တစ်လောက ကိုရီးယား နိုင်ငံရဲ့ ကလေးများအစီအစဉ် တီဗွီ ပရိုဂရမ်တစ်ခုကုို ကြည့်ဖြစ်ခဲ့ပါတယ်။ အဲဒီ အစီအစဉ်မှာ MC က ကလေးတစ်ဦးချင်းရဲ့ လွတ်လပ်တဲ့ စိတ်အတွေးအကြံ အမေးအဖြေလေးတစ်ခုကို မေးပါတယ်။ သူမေးတာက “ နောက်ဘဝ ပြန်မွေးလာခဲ့ရင် သားတုို့၊ သမီးတုို့ ဘယ်လုိုပြန်မွေးချင်လည်း ယောက်ျားလေးအဖြစ်လား၊ ဒါမှမဟုတ် မိန်းကလေး အဖြစ်လား၊ ဒီမိဘ၊ ဒီမိသားစု အသိုင်းအဝိုင်းမှာလား၊ တခြားမှာလား” စသဖြင့် သူက မေးပါတယ်။ ကလေးတွေက အမျိုးမျိုး ဖြေကြပါတယ်။ တစ်ချို့ ယောက်ျားလေး၊ မိန်းကလေးတွေက ဒီလိုဘဝမျိုးပဲ ပြန်ဖြစ်ချင်ကြောင်း၊ တစ်ချို့ယောက်ျားလေးတွေကတော့ မိန်းကလေးအဖြစ် မွေးဖွားချင်ကြောင်း၊ တစ်ချို့ မိန်းကလေးတွေကတော့ ယောက်ျားလေးလို ပြန်မွေးချင်ကြောင်း စသဖြင့် သူ့အတွေးနဲ့ သူ လွတ်လွတ်လပ်လပ် မေးဖြေနေကြတာကို စိတ်ဝင်တစား ကြည့်ဖြစ်ခဲ့ပါတယ်။ ပြီးတော့ ဘုန်းဘုန်းလည်း သူတုို့လိုပဲ အတွေးလေးတွေ ချဲ့ဖြစ်ခဲ့ရင်း အဲဒီအတွေးကို အခုလို စာတစ်ပုဒ်နဲ့ ပုံဖော်ဖြစ်ခဲ့ပြန်ပါတယ်။